ლიმონის სკრაბი კანის გაახალგაზრდავებისთვის - შედეგი პირველივე გამოყენებისას აქვს
როდესაც კანს ვასუფთავებთ, ვაშორებთ მკვდარ უჯრედებს, რომლებიც დაგროვდა და კანს გაცვეთილ იერს ანიჭებს, მივმართავთ უამრავ ხერხს, თუმცაღა ზოგი ძვირი სიამოვნებაა და ზოგიც არც თუ ისე ეფექტური.
მკვდარი კანის მოცილებით, ჩვენ აღმოვაჩენთ ახალ კანს, რომელიც მაშინვე ხდება უფრო ჯანსაღი, გლუვი და ერთგვაროვანი.
კანის მოვლაში ყველაზე მთავარი ისაა, რომ ის იყოს ჯანსაღი და ჰქონდეს ნათელი იერი. ჩვენი სურვილია დაგეხმაროთ ამ შედეგის მიღწევაში და გაგიზიაროთ სასარგებლო რჩევები.
იცოდი, რომ იმ პროცედურებიდან, რომლებიც ჩვენი კანისთვის არის აუცილებელი, ერთ-ერთი მნიშვნელოვანი ექსფოლიაცია/აქერცვლაა? ეს არამხოლოდ სახის კანის, არამედ სხეულისთვისაც უმნიშვნელოვანესია.
დასაბანი საშუალებები სრულად ვერ ასუფთავებენ კანს დაგროვილი ჭუჭყისა და ცხიმისგან, ამიტომ მთლიანი თავის მოვლის რუტინაში სკრაბს განსაკუთრებული ადგილი უნდა ეჭიროს. ის მნიშვნელოვნად აშორებს კანიდან მკვდარ უჯრედებს და საშუალებას აძლევს მას იყოს უფრო ჯანსაღი, შედეგად კანი სუნთქავს და მზადაა სხვა პროდუქტების მისაღებად.
რეცეპტს, რომელსაც დღეს გაჩვენებთ, ორ ნაწილად გავყოფ. სახის კანისთვის უნდა გამოიყენოთ უფრო რბილი ამქერცლავი, ხოლო ტანისთვის მეტად ძლიერი.
ამ რეცეპტისთვის ჩვენ გამოვიყენებთ ლიმონის სკრაბის ამქერცლავ თვისებებს. ლიმონი გასაოცარი პროდუქტია კანის გასაუმჯობესებლად.
ლიმონის მჟავა ხელს უწყობს კანზე მუქი ლაქების გათეთრებას, შაქარი კი კანის მკვდარი უჯრედების მოცილებას. ეს სკრაბი ასევე იდეალურია იდაყვისა და მუხლების გასაწმენდად.
ლიმონის სკრაბი ტანისთვის
საჭირო ინგრედიენტები:
- - 5 სუფრის კოვზი შაქარი ან ზღვის მარილი
- - 1 სუფრის კოვზი ზეითუნის ზეთი
- - 1 ლიმონი
Მომზადება:
შეურიეთ ზეითუნის ზეთი შაქარს. ლიმონი შუაზე გაჭერით და წვენი გამოწურეთ. თანდათან დაუმატეთ ნარევს, სანამ პასტა არ მიიღება. შეიზილეთ სკრაბი სველ კანზე წრიული მოძრაობით რამდენიმე წუთის განმავლობაში სანამ კანი არ გახდება ვარდისფერი.
არ შეიზილოთ ძალიან ძლიერად, მხოლოდ ისე, რომ მოიცილოთ ყველა ჭუჭყი, მაგრამ არა იმდენი, რომ კანი ზედმეტად გააღიზიანოს.
ლიმონის სკრაბი სახისთვის
ინგრედიენტები:
- - 2 სუფრის კოვზი შვრიის ფაფა
- - 1/2 სუფრის კოვზი ზეითუნის ზეთი
- - 1 ლიმონი
მომზადება:
დაფქვით შვრია და შეურიეთ ზეითუნის ზეთს. ნარევს თანდათან დაუმატეთ ლიმონის წვენი პასტის წარმოქმნამდე. წაისვით კანზე ისე, როგორც ზედა რეცეპტში გასწავლეთ.
ეს სკრაბი მოამზადეთ კვირაში მაქსიმუმ 3-ჯერ. გაითვალისწინეთ, რომ ლიმონმა შეიძლება გააღიზიანოს მგრძნობიარე კანი.