ძმარი – საოცარია. ის ძალიან ბევრ რამეში შეგვიძლია გამოვიყენოთ, მაგალითად: გავწმინდოთ კაფელი, სარკეები, რაკოვინები და ა.შ.
მაგრამ რა მოხდება თუ ძმარს დავამატებთ სარეცხის რეცხვის დროს? ამის პასუხად მე თქვენ 5 მიზეზს მოგიყვანთ:
1. ძმარს დამარბილებელი თვისება გააჩნია. ეს კი მნიშვნელოვანია მაშინ, როცა ტანსაცმელი მჭიდრო და მკვრივი ქსოვილისგან არის დამზადებული.
2. ძმარი არაჩვეულებრივია ლაქების ამოყვანის დროს. ცხიმის, ხილის, ოფლის ლაქები ტანსაცმლიდან ვერ ამოგყავთ? ისინი ძმრით დაამუშავეთ. შემდეგ კი სარეცხ მანქანაში მისი 50 მლ ჩაასხით.
3. აქრობს ტანსაცმლიდან უსიამოვნო სუნს. მაგალითად შეგაწუხათ ოფლის სუნმა? ჩაასველეთ ოფლიანი ტანსაცმელი 100 მლ ძმარში. ის გაანეიტრალებს სუნს.
4. თუ მეორეული ტანსაცმლის მოყვარული ბრძანდებით, კარგად გეცოდინებათ როგორი სპეციფიკური სუნი აქვთ. ძმარი აქაც დაგეხმარებათ. ჩაასველეთ ისინი მასში და მერე გარეცხეთ ჩვეულებრივად.
5. ასევე ძმარი გაგათავისუფლებთ მოწითალო ლაქებისგანაც. შეურიეთ ქვის მარილი და ძმარი ერთმანეთს, სანამ ერთგვაროვან მასას არ მიიღებთ და წაუსვით ლაქას. რამდენიმე წუთის შემდეგ ჩვეულებრივ გარეცხეთ.