რატომ არის ასეთი მნიშვნელოვანი C ვიტამინი ყველა ორგანიზმისთვის?
C ვიტამინი აუცილებელი და შეუცვლელი საკვები ნივთიერებაა, რომელიც დიდ როლს თამაშობს ადამიანის ორგანიზში მიმდინარე პროცესების დროს.
გთავაზობთ ჩამონათვალს, თუ რა სასარგებლო თვისებები აქვს C ვიტამინს და ამ დანამატის მიღებით როგორ შეიძლება, გაიუმჯობესოთ ჯანმრთელობის მდგომარეობა.
რა არის C ვიტამინი?
ასკორბინის მჟავა, იგივე C ვიტამინი, წყალში ხსნადი საკვები ნივთიერებაა.
C ვიტამინი დიდი ოდენობით არ ინახება ორგანიზმში. ზედმეტი გამოიყოფა შარდის სახით, განსხვავებით ცხიმში ხსნადი ნივთიერებებისგან, როგორებიცაა: A, D, E და K ვიტამინები.
C ვიტამინს ორგანიზმი ბუნებრივად ვერ გამოიმუშავებს და საჭიროა, ამ ნივთიერებით მდიდარი საკვების მიღება, რათა დღიური ნორმა შეივსოს.
2013 წლის კვლევების მიხედვით, თქვენს ორგანიზმს ეს ვიტამინი სხვადასხვა ფუნქციის შესასრულებლად სჭირდება, მაგ:
- ნეიროტრანსმიტერების წარმოება
- სისხლში ქოლესტერინის დონის რეგულირება
- უჯრედების მჟანგავი დაზიანებისგან დაცვა
- ანთების კონტროლი
- რკინის შეწოვა
- კოლაგენის გამომუშავება
- იმუნური სისტემის დაცვა
C ვიტამინი გვხვდება სხვადასხვა მცენარეულ და ცხოველურ საკვებში. დაბალანსებული კვების შემთხვევაში, სრულიად შესაძლებელია, რომ მხოლოდ ამ გზით მიიღოთ აუცილებელი საჭირო დოზა. თუმცა, ბევრი ადამიანი დამატებითი ვიტამინების სახითაც იღებს მას.
რა რაოდენობით C ვიტამინი სჭირდება ადამიანს?
ჯანმრთელობის ეროვნული ინსტიტუტის დასკვნის მიხედვით, ზრდასრულ მამაკაცს დღეში საშუალოდ 90 მილიგრამამდე ც ვიტამინი სჭირდება, ხოლო ქალს – 75.
ორსულობისა და ლაქტაციის პერიოდში კი ქალს უფრო დიდი რაოდენობით მიღება ესაჭიროება.
პრენატალური ვიტამინების უმეტესობა შეიცავს C ვიტამინს. რეკომენდირებული C ვიტამინის დოზა იზრდება დღიურად 85 და 120 მილიგრამამდე ორსულობისა და ძუძუთი კვების დროს.
სიჯანსაღის შენარჩუნება: C ვიტამინის სასარგებლო თვისებები
C ვიტამინი ორგანიზმისთვის აუცილებელია. ამ საკვები ნივთიერების საკმარისი რაოდენობით მიღება კი – კრიტიკულად მნიშვნელოვანი.
იხილეთ, რა სარგებელი მოაქვს C ვიტამინის ნორმალური დონის შენარჩუნებასა და დამატებით როგორ მოქმედებს ორგანიზმის ჯანმრთელობაზე.
- ჯანმრთელი იმუნური სისტემა
- გულის დაავადებების შემცირებული რისკი
- რკინის შეწოვა
- კანის ჯანმრთელობა და ჭრილობის შეხორცება
- ნაყოფიერების გაზრდა
- დიაბეტის განვითარების რისკის შემცირება
- კიბოთი დაავადებული ადამიანების ჯანმრთელობის გაუმჯობესება.
C ვიტამინით მდიდარია ასკილი, კაკალი, ტკბილი წიწაკა, შავი მოცხარი, ციტრუსები, პომიდორი, ბადრიჯანი, ყაბაყი, სტაფილო, ისპანახი, შინდი, მჟაუნა, მწვანე ბარდა, მარწყვი, ხენდრო, ვაშლი ყურძენი.