როგორ უნდა დაარბილოთ დამსკდარი ქუსლები ბუნებრივად ამ საშუალებებით..შეხვდით ზაფხულს მომზადებული.
თუ თქვენ გაქვთ დაბზარული ქუსლები და გსურთ დაარბილოთ კანი, ჩვენ გაგიზიარებთ რამდენიმე საშინაო საშუალებას, სრულიად ბუნებრივი გზით მკურნალობისთვის. როდესაც ჩვენ გვაქვს ძალიან მშრალი კანი, ის მიდრეკილია ბზარებისკენ, ჩნდება ჩვენი სხეულის გარკვეულ ნაწილებსა და უბნებზე ნახეთქები. ქუსლები ყველაზე გავრცელებული ადგილია, სადაც ჩვეულებრივ ჩნდება ბზარები.
მიზეზებს შორის აღსანიშნავია კანის საფარველის მექანიკურად დამაზიანებელი ფაქტორები:
- ტრავმები, მოუხერხებელი, მჭიდრო ფეხსაცმელი;
- სინთეზური ქსოვილის წინდები;
- ტერფის დეფორმაცია, ბრტყელტერფიანობა;
- კანის ძლიერი სიმშრალე, როდესაც გარემო ფაქტორთა გავლენით ირღვევა კანის ზედა შრის მთლიანობა და მიკროორგანიზმებისთვის კანის ღრმა შრეებში შესაღწევი კარიბჭე იღება.
ზოგჯერ ნახეთქები თითებს შორისაც ჩნდება. ამ დროს შესაძლოა, ამ ადგილას სოკოვანი ინფექცია განვითარდეს, ამიტომ ექიმის კვალიფიციური დახმარება აუცილებელია. ნახეთქები ხშირად ჩნდება ორსულობის პერიოდში, რაც წონის მატებით გამოწვეულ დროებით ბრტყელტერფიანობას და სისხლში გლუკოზის შემცველობის ასევე დროებით მატებას უკავშირდება. ჩვეულებრივ, ორივე მაჩვენებელი მშობიარობის შემდეგ ნორმალიზდება და ნახეთქებიც მშობიარობიდან 9-10 თვის შემდეგ თავისთავად ქრება.
ქუსლებზე ნახეთქები ძნელად ემორჩილება მკურნალობას, მაგრამ რეგულარული პროცედურებითა და კანის დამარბილებელი საშუალებების გამოყენებით მათ სამუდამოდ დააღწევთ თავს.
ქუსლების სასარგებლო დამარბილებელი ლიმონის სკრაბი
ლიმონი შეიძლება იყოს ძალიან საინტერესო პოპულარული საშუალება, როდესაც საქმე ეხება კანის აქერცვლას და ქუსლებზე არსებული მკვდარი კანის მოცილებას, რაც თავის მხრივ იწვევს უხეშობის შეგრძნებას.
ამ საშუალების მოსამზადებლად საჭიროა მხოლოდ 3 სუფრის კოვზი ლიმონის წვენი და ნახევარი ჭიქა შაქარი. ლიმონი გაყავით შუაზე და გაწურეთ, რომ მისი წვენი ამოიღოთ. შემდეგ თასში შეურიეთ 3 სუფრის კოვზი ლიმონის წვენი შაქარს. მისი გამოყენებისას საჭიროა მხოლოდ ფეხების და ქუსლის არე დაატენიანოთ, შემდეგ კი სკრაბით წრიული მოძრაობით შეიზილოთ.ბოლოს ჩამოიბანეთ თბილი წყლით.
ქოქოსის ზეთი
ქოქოსის ზეთი არის ძალიან საინტერესო, ნატურალური პროდუქტი ქუსლების სამკურნალოდ.. იგი მართლაც იდეალური საშუალებაა როდესაც საქმე ეხება დახეთქილი კანის მკურნალობას, ასევე მკვდარი უჯრედების მოცილებას. გაათბეთ ზეთი. შემდეგ, როცა ქუსლებზე წასმას დააპირებთ, ძილის წინ, ტერფები შეიზილეთ და ჩაიცვით წინდები, გაიჩერეთ ზეთი მთელი ღამის განმავლობაში.