გახდი საკუთარი თავის ექიმი! ეს რეცეპტი ეფეტურად აღადგენს ჯანმრთელობას და გაახანგრძლივებს სიცოცხლეს!
სასარგებლო მწვანილი და ჯოსტნეული!
ზამთარში ჩვენი სუფრა ხილისა და ბოსტნეულის ისეთი მრავალფეროვნებით ვეღარ იწონებს თავს, როგორითაც ზაფხულში თუ შემოდგომაზე. ორგანიზმს ვიტამინები და მინერალები რომ არ მოაკლდეს, რაციონი მწვანილით უნდა გავამდიდროთ. ის, გარდა იმისა, რომ სასარგებლოა, განსაკუთრებულ გემოსაც აძლევს კერძს.
ჯანმრთელობა ბევრადაა დამოკიდებული საკვებ პროდუქტებზე, ამიტომ უნდა ვეცადოთ, თავად მოვიყვანოთ ზოგიერთი მათგანი მაინც. მე, მაგალითად, ყოველთვის ვცდილობ, საჭირო მწვანილეული შინ მოვიყვანო. რამდენიმე წლის განმავლობაში სამკურნალოდ ვიყენებდი ოხრახუშს.
ოხრახუში შეიცავს ბევრ კალიუმს, კალციუმს, რკინას, მაგნიუმსა და ფოსფორს. კალიუმი განსაკუთრებით ბევრია ოხრახუშის ფესვებში, ფოთლები კი უფრო ვიტამინებითაა მდიდარი. 100 გრამი ოხრახუში ბავშვის ორგანიზმს 15 მგ ასკორბინის მჟავათი - C ვიტამინით ამარაგებს
ახლა კი ნიახურით ვმკურნალობ. მისი მეშვეობით შეგიძლიათ გაიწმინდოთ ნაწლავები, სისხლი, სახსრები. მომეხსნა კუჭის შეკრულობა და ფეხების შეშუპება. ყოველდღიურად უნდა სვათ თითო ჭიქა ნიახურის წვენი. მკურნალობის ხანგრძლივობა ორი კვირაა, მეტი ეფექტიანობისთვის ამ დღეებში ნიახურის წვენის გარდა უნდა სვათ სხვა წვენების ნარევიც:
- 1. სტაფილო (300 მლ) + ჭარხალი (100 მლ) +კიტრი (100 მლ).
- 2. სალათა (100 მლ) + სტაფილო (300 მლ) + ოხრახუში (100 მლ).
ეს ნარევები ერთი დღის ნორმაა და უნდა სვათ მცირე ულუფებით. ასეთი წესით წვენების სმა ვურჩიე ჩემს მეზობელს. მკურნალობის კურსის დასრულების შემდეგ მითხრა, რომ საგრძნობლად შეუმცირდა სახსრების ტკივილი. უნდა გაგაფრთხილოთ, რომ დასაწყისში შესაძლოა დაავადება მცირე ხნით გაგიმწვავდეთ, შემდგომ კი უკეთესობას იგრძნობთ.
ექიმის კომენტარი:
ბოსტნეულისა და ხილის წვენებით მკურნალობა დიდი ხანია წარმატებით გამოიყენება ხალხურ მედიცინაში. თითოეული ხილის თუ ბოსტნეულის (ან მწვანილის) წვენი უხვად შეიცავს სასარგებლო ნივთიერებებს და მათი რეგულარული მიღების შემდეგ ორგანიზმში საკმაოდ მკვეთრი ცვლილებები ხდება.
ნიახურის წვენი შარდმდენ კომპონენტებს შეიცავს, წიდებისგან ასუფთავებს საშარდე და სანაღვლე გზებს. შარდმდენი და ნაღველმდენია სტაფილო და ამასთან მდიდარია A ვიტამინით, ოხრახუში C ვიტამინის წყაროა, მასაც შარდმდენი თვისებები აქვს.
ჯანმრთელობას გისურვებთ!