ნაწიბურების მოცილება სახლის პირობებში
ნაიარევები შეიძლება ხალხური საშუალებებით მოვიშოროთ, თუმცა ამისთვის საკმაო დრო და მოთმინებაა საჭირო. ნაწიბურების მოსაშორებელ ხალხურ საშუალებათა არსენალი ფართოა. შევარჩიოთ რამდენიმე მათგანი და გამოვიყენოთ, სანამ დამაკმაყოფილებელ შედეგს არ მივიღებთ.
ხახვის წვენი
ნაწიბურების მოსაშორებელ საუკეთესო საშუალებად ხახვი მიიჩნევა. ის შეიცავს ფერმენტებს, რომლებიც კანის რეგენერაციის პროცესებს აძლევს ბიძგს. წინასწარ ცხელი წყლით ან ორთქლით დარბილებულ კანზე, დანაწიბურებულ ადგილას, წავისვათ ხახვის ახალგამოწურული წვენი. ასე მოვიქცეთ დღეში რამდენჯერმე რამდენიმე თვის განმავლობაში. შედეგი მყისიერად ვერ გახდება შესამჩნევი, მაგრამ აუცილებლად დადგება, თუ რეგულარულად გამოიყენებთ ამ საშუალებას და შუა გზაზე არ შეწყვეტთ მკურნალობას.
კიტრი, ბანანი, ლიმონი
კომპრესების პარალელურად ნაიარევზე დღეში რამდენიმეჯერ უნდა წავისვათ კიტრის წვენი, დავიდოთ ბანანის ან ლიმონის ნაჭერი.
ბალახეული საშუალებები
ბალახებიდან კანის რეგენერაციის ეფექტი ახასიათებს გვირილას, სალბს, ჭინჭარს, გულყვითელას, ოხრახუშს, მრავალძარღვას, ბაბუაწვერას, მწვანე ჩაის, პიტნას, კრაზანასა და რძიანას. კარგი იქნება, მონაცვლეობით დაიდოთ ამ მცენარეების ნახარშის საფენებიც ან მათი ნარევის ნახარში გამოიყენოთ. ესეც 2-3 თვეს უნდა გაგრძელდეს.
თაფლი
ნაიარევ კანზე დღეში 2-ჯერ შეიზილეთ თაფლი. რამდენიმე თვეში არცთუ ისე ახალი ნაწიბურებიც კი გაუფერულდება.
ეთერზეთები
შემახორცებელი და რეგენერაციული მოქმედება ახასიათებს ეთერზეთებს. საუკეთესოა ლავანდის, როზმარინისა და ჩაის ხის ზეთები. ეფექტიანია ქაცვისა და აბუსლათინისაც.
პარაფინი ან თაფლის სანთელი
სახლის პიროებებში ნაწიბურების მოშორება შესაძლებელია თბილი პარაფინის ნიღბით ან თაფლის სანთლისგან მომზადებული მალამოთი: აიღეთ 1 წილი თაფლის სანთელი და 3 წილი მზესუმზირას ზეთი. ზეთი შეათბეთ ორთქლის აბაზანაზე, გაადნეთ მასში თაფლის სანთელი, გადმოდგით აბაზანიდან, გააცივეთ და ნაწიბურებზე წაისვით.
ერთი კვლევის თანახმად, სილიკონის ფურცლები დადასტურებულია ნაწიბურების სამკურნალოდ წლების განმავლობაში. მიმოხილვაში ნათქვამია, რომ სილიკონის ფურცლები აუმჯობესებს ჰიპერტროფიული ნაწიბურების წარმოქმნას. სხვა გამოკვლევის შედეგად დადგინდა, რომ სილიკონის გელი ისეთივე ეფექტურია, როგორც სილიკონის ფურცლები ჰიპერტროფიული და კელოიდური ნაწიბურების შემცირებისას.
ადგილობრივი მიმოხილვის თანახმად, ადგილობრივი სილიკონის გელი უზრუნველყოფს კელოიდური და ჰიპერტროფიული ნაწიბურების გაუმჯობესებას. სილიკონის ნაწიბურების სამკურნალო საშუალებები ბევრ მაღაზიაში გაიცემა რეცეპტის გარეშე
