ყველაზე მარტივი და ეფექტური ნიღბები ხალხური მედიცინისგან
1. კარტოფილის და ლიმონის ნიღაბი
ინგრედიენტები:
- 1 კარტოფილი
- 1/2 ლიმონი (წვენი)
მომზადება:
ჩაჭყლეტილი კარტოფილი მოათავსეთ ჯამში, დაასხით ლიმონის წვენი და აურიეთ კოვზით, სანამ ერთგვაროვან მასას არ მიიღებთ.
გამოყენება:
წაისვით ნიღაბი სახეზე ნაზად, თითების წრიული მოძრაობით. გაიჩერეთ 20 წუთის განმავლობაში. ჩამოიბანეთ ნიღაბი წყლით.ეს ნიღაბი ეფექტურია ლაქებისთვის სახეზე, განსაკუთრებით მაშინ, თუ ლაქები გარუჯვისგან გაქვთ. მხოლოდ და მხოლოდ სამ დღეში თქვენ ნახავთ, რომ კანი გაგითავისუფლდებათ მზის ლაქებისგან.
2. შოკოლადის და შვრიის ნიღაბი
ინგრედიენტები:
- 1/3 ფინჯანი კაკაოს ფხვნილი
- 1/4 ფინჯანი თაფლი
- 2 სუფრის კოვზი ნაღები ან არაჟანი
- 3 სუფრის კოვზი შვრიის ფხვნილი
მომზადება:
ათქვიფეთ შვრია ბლენდერში. შემდეგ მოათავსეთ დანარჩენ ინგრედიენტებთან ერთად ჯამში და აურიეთ.
გამოყენება:
წაისვით ნიღაბი მშრალი ჯაგრისის ან თითების დახმარებით. მსუბუქად დაიმასაჟეთ სახე. დაიტოვეთ ნიღაბი 15-20 წუთის განმავლობაში (კარგი იქნება, თუ ამ პერიოდში იწვებით). ადექით და დაიბანეთ სახე.
3. კოჭას ნიღაბი
ინგრედიენტები:
- 1/4 სუფრის კოვზი დაფხვნილი ჯანჯაფილი
- 1 სუფრის კოვზი ავოკადო
- 1 სუფრის კოვზი იოგურტი ან კეფირი
მომზადება:
დასრისეთ ავოკადო, სანამ გლუვ მასას არ მიიღებთ. მოათავსეთ ავოკადოს პიურე, ჯანჯაფილი და იოგურტი პატარა ჯამში და კარგად აურიეთ.
გამოყენება:
ჯერ კარგად დაიბანეთ სახე. წაისვით ნიღაბი თითების ნაზი, წრიული მოძრაობით. დაიტოვეთ ნიღაბი 5 წუთის განმავლობაში ჩამოიბანეთ. თმა შეიკარით, თორემ შეიძლება, ავოკადო და თაფლი თმაზე მიგეკროთ. დარწმუნდით, რომ იოგურტის სწორი სახეობა აირჩიეთ. ჩვენ გირჩევთ ჩვეულებრივ, არატკბილ პროდუქტს, რომელიც არ გამოიწვევს კანის გაღიზიანებას.
4. ლიმონის ნიღაბი
ინგრედიენტები:
- 1 კვერცხის ცილა
- 1 ჩაის კოვზი თაფლი
- 1 ჩაის კოვზი რძე
- 1 ჩაის კოვზი ლიმონის წვენი
მომზადება:
გამოაცალკევეთ ცილა კვერცხის გულისგან. დაამატეთ დანარჩენი ინგრედიენტები ცილის ქაფს და აურიეთ ყველაფერი ერთად. იმისთვის, რომ ნარევი უფრო წებოვანი (ბლანტი) იყოს, დაამატეთ შვრიის ფანტელები.
გამოყენება:
ფრთხილად წაისვით ნიღაბი. გაიჩერეთ 15 წუთის განმავლობაში. მოიშორეთ თბილი და რბილი ნაჭრით. სახე დაიბანეთ წყლით, უკეთესი იქნება გვირილის ნაყენით.
ეს ნიღბები მოგაცილებთ ფერიმჭამელებს, აღადგენს უჯრედებს, გააჯანსაღებს კანს.
