შავი წერტილები კანზე ალბათ ყველაზე გავრცელებული პრობლემაა დღევანდელ დროში, განსაკუთრებით, ცხვირის, ნიკაპის და შუბლის მიდამოში. გაგიზიარებთ ჩემს მეთოდს, თუ როგორ ვიყენებ ჩაის ხის ზეთს!
შავი წერტილებიც და გამონაყარიც არავის მოსწონს. საკმაოდ უსიამოვნო და ტკივნეულიც კია. თუ გეშინიათ შავი წერტილების მოცილებისას ტკივილის, განსაკუთრებით ცხვირის მიდამოში, მაშინ უნდა სცადოთ ჩაის ხის ზეთი. ამ ბუნებრივ ინგრედიენტს შეუძლია შავი წერტილები იმაზე სწრაფად მოაცილოს ვიდრე წარმოგიდგენიათ.
შავი წერტილები კანზე ალბათ ყველაზე გავრცელებული პრობლემაა დღევანდელ დროში, განსაკუთრებით, ცხვირის, ნიკაპის და შუბლის მიდამოში. როგორ გამოვიყენოთ ჩაის ხის ზეთი:
1. სახის ნიღაბი: სახის ნიღბები მარტივი გზაა როგორც აკნეს, ასევე შავი წერტილების მოსაცილებლად. უბრალოდ შეურიეთ 3-4 წვეთი ჩაის ხის ზეთი მწვანე თიხის ფხვნილს. საკმარისი რაოდენობით წყალი დაამატეთ, რათა შექმნათ შესანიშნავი ნარევი. წაისვით ნიღაბი როგორც სახეზე, ასევე კისრის მიდამოზე. გააჩერეთ 20 წუთის განმავლობაში. ჩამოიბანეთ თბილი წყლით.
შეურიეთ სამი წვეთი ჟოჟობას ზეთი ჩაის ხის ზეთს. აურიეთ და დაამატეთ პომიდვრის წვენი. წაისვით ეს მთელ სახეზე, განსაკუთრებით მუწუკების მიდამოში. გააჩერეთ 15 წუთის განმავლობაში. შემდეგ ჩამოიბანეთ ცივი წყლით.
2. გამოიყენეთ ჩაის ხის ზეთი სახის გაწმენდისას. დაუმატეთ სახის კრემს ან გამწმენდს ეს ზეთი 2-6 წვეთი. ფრთხილად იყავით, რომ თავიდან აიცილოთ თვალებთან კონტაქტი.
3. სახის სკრაბი. სკრაბი აუცილებელია შავი წერტილების მოსაცილებლად. ამის მომზადება შეგიძლიათ სახლში. შეურიეთ ჩაის ხის ზეთი, ზეითუნის ზეთი და შაქარი. დაამატეთ თაფლი 1 ს.კ კოვზი. შეიზილეთ მთლიან სახეზე, განსაკუთრებით მუწუკების არე.
4. გამოიყენეთ იგი ბანაობის დროს. შავი წერტილების მოცილება შეგიძლიათ სცადოთ ჩაის ხის ზეთით ბანაობის დროსაც. წყლით სავსე აბაზანას დაუმატეთ რამდენიმე წვეთი ჩაის ხის ზეთი.
ჩაის ხის ზეთის გამოყენება
შემოწმება ყნოსვით:
თუ ეთერზეთის სურნელის შესუნთქვის შემდეგ არ გრძნობთ დისკომფორტს, თქვენთვის მისი სურნელი სასიამოვნოა და არ იწვევს სასუნთქი გზების სპაზმს რომელსაც თან სდევს ხველა და ქოშინი, ამ შემთხვევაში შეგიძლიათ მისი გამოყენება.
შემოწმება კანზე:
1 წვეთი ეთერზეთი გახსენით 1 / 2 ჩაის კოვზ ნებისმიერ მცენარეულ ზეთში და მიღებული მასის მცირე ნაწილი წაისვით მაჯის შიდა ნაწილზე სადაც კანი უფრო თხელია. თუ 15 – 40 წუთის შემდეგ კანის იმ ადგილზე სადაც წაისვით ზეთი არ გაჩნდა გაღიზიანების ნიშნები, ეს იმის ნიშანია, რომ შეგიძლიათ გამოიყენოთ ზეთი დაბრკოლების გარეშე.
გარეგანი გამოყენების მეთოდები:
ჩაის ხის ეთერზეთი ძირითადად გამოიყენება სუფთა სახით ან სხვა ეთერზეთებთან შერევით თანაბარი პროპორციებით. მაგალითად ლავანდის, სალბის და როზმარინის. ასევე ეს კომპოზიცია გამოიყენება კრემების შამპუნების და სხვა სახის კოსმეტიკური საშუალებების გასამდიდრებლად. ტუჩის ჰერპესის სამკურნალოდ გამოიყენეთ გაუზავებელი ჩაის ზეთი.
კოსმეტიკური საშუალებების გამდიდრება:
2–3 წვეთი ეთერზეთი შეურიეთ 10 – 15 მილილიტრს – კრემს, ტონიკს, ლოსიონს ან შამპუნს.
სპირტიანი ხსნარი:
3–5 წვეთი ეთერზეთი გახსენით 8 მილილიტრ 70–90% ეთილის სპირტში. გამოიყენეთ კანის სოკოთი დაზიანების შემთხვევაში.
ვანის მიღება:
სავსე ვანაში რომელშიც წყლის ტემპერატურაა (36 –38 გრადუსი), დაამატეთ 4–5 წვეთი ეთერზეთი რომელიც წინასწარ იქნება შერეული 1 სუფრის კოვზ ემულგატორთან – რძე, თაფლი, ზღვის მარილთან. ვანის მიღების ხანგრძლივობა 10–20 წუთი.
