რაც კოფეინის ნიღბის ხშირი გამოყენება დავიწყე ჩემი სახის კანს ვეღარ ვცნობ - გახდა საოცრად პრიალა და რბილი. თქვენც უნდა სცადოთ!
კანი დაჭიმული და გამომშრალი გაქვთ? დიდი ხანია, ჯანსაღი იერიც დაკარგა? ნუ იდარდებთ, მაცივარი გამოაღეთ და მის შიგთავსს თვალი გადაავლეთ – აუცილებლად იპოვით რამე ისეთს, რაც თქვენს კანს მოუხდება. "Do it yourself" ნიღბების რეცეპტებს კი ჩვენ შემოგთავაზებთ.
გარეგანი ფაქტორების ზეგავლენით კანი შრება და უსიცოცხლო იერი ედება, ყველაზე მძიმე გამოცდა კი ზაფხულში ელის – მაღალი ტემპერატურა, ინტენსიური ულტრაიისფერი გამოსხივება, რუჯი, კონდიცირება, ქლორიანი წყალი...
კანის დასამშვიდებლად, ბუნებრივი ბალანსის აღსადგენად და გამოსაცოცხლებლად საუკეთესო საშუალება ნიღაბია. ჰოდა, აიღეთ რამდენიმეწუთიანი ტაიმ-აუტი ყოველდღიური ორომტრიალიდან, მოეშვით, დაისვენეთ და კანს მოუარეთ.
ვარჩევთ ინგრედიენტებს
ინგრედიენტები აუცილებლად კანის ტიპის მიხედვით უნდა შეარჩიოთ. რაც გვიყვარს, შესაძლოა, ჩვენს კანს სულაც არ უხდებოდეს.
ნიღბის გაკეთებამდე პირი კარგად დაიბანეთ, რომ ჭუჭყმა და ცხიმმა ხელი არ შეუშალოს ნიღაბში შემავალი ნივთიერებების ათვისებას. მისი მოქმედება კიდევ უფრო გაძლიერდება, თუ მანამდე სახეზე პილინგს გაიკეთებთ: ის მკვდარ უჯრედებს მოაშორებს, ფორებს გახსნის და კიდევ უფრო ღრმად გაწმენდს კანს მაკიაჟის ნარჩენებისგან. ამის შემდეგ ნიღაბი მთელი სისრულით წარმოაჩენს თავის სასარგებლო თვისებებს.
შეიძლება არ იცით, რომ ყავა აძლიერებს კანს, ამცირებს ნაოჭებს და სახის შეშუპებას.
კოფეინი ატონიზირებს კანს, აუმჯობესებს სისხლის მიკროცირკულკაციას, ასტიმულირებს ფიზიოლოგიურ და ბიოქიმიურ პროცესებს ორგანიზმში . კოფეინი ააქტიურებს უჯრედულ ცვლას(რაც შეუცვლელია გაახალგაზრდავების მსურველთათვის) და ლიმფოდრენაჟს.
გახსოვდეთ, რომ უნდა გამოიყენოთ ნატურალური ყავა.
კოფეინის ნიღაბი
როდესაც ნიღაბს დაამატებთ ყავას და კაკაოს, ეს გაზრდის კანის სისხლის მიმოქცევას. ეს ინგრედიენტები კვებავს და აახალგაზრდავებს კანს. სახისა და ტანის ამ ხელნაკეთი ნიღბის შესახებ ყველაზე კარგი ის არის, რომ ყველა ინგრედიენტი გაქვთ თქვენს სამზარეულოში. ამ ნარევს წარმოუდგენლად კარგი სუნი აქვს.
ყავა მდიდარია ანტიოქსიდანტებით, რომლებიც შესანიშნავია მშრალი და დაღლილი კანისთვის, თაფლი ხდის კანს გლუვს და რბილს.
ათი წლის წინ, ბევრმა კომპანიამ დაიწყო კოფეინის გამოყენება სახისა და სხეულის მოვლის საშუალებების მოსამზადებლად. მაგრამ ახლა თქვენ არ გჭირდებათ ბევრი ფულის დახარჯვა ამ პროდუქტებზე. ეს ნიღაბი შეგიძლიათ სახლში გააკეთოთ.
საჭირო ინგრედიენტები: 1 ჩ / კ კაკაოს ფხვნილი; 1 სუფრის კოვზი თაფლი; 1 სუფრის კოვზი ქოქოსის ზეთი; ¼ ჭიქა რძე; 1 სუფრის კოვზი დაფქვილი ყავა.
პირველი, ცხელი ცხვირსახოცით გაწმინდეთ ფორები. შემდეგ შეგიძლიათ ნიღაბი წაისვათ სახეზე. გააჩერეთ 20 წუთის განმავლობაში და შემდეგ დაიწყეთ სკრაბის მასაჟი. შემდეგ ჩამოიბანეთ თბილი წყლით.
