სამყურას ნაყენსა და ნახარშს უხსოვარი დროიდან იყენებენ უამრავი დაავადების
სამკურნალოდ – მათშორის საუკეთესოა სტომატიტის დროს!
სამყურას ნაყენსა და ნახარშს უხსოვარი დროიდან იყენებენ უამრავი დაავადების
სამკურნალოდ. ამ მცენარეს ნერვული სისტემის დამამშვიდებელი, კრუნჩხვებისა და სპაზმების საწინააღმდეგო თვისებები აქვს.
მის გამოყენებას სპეციალისტები ისეთი დაავადებების დროს გვირჩევენ, როგორებიცაა სტენოკარდია, ათეროსკლეროზი, კორონარული სისხლძარღვების თრომბოზი, უძილობა, თავის ტკივილი, მენსტრუალური ციკლის დარღვევა.
განსაკუთრებით კარგია კლიმაქსის პერიოდში. სამყურას მიღებისას არ უნდა
დაგვავიწყდეს, რომ იგი შხამიანია, ამიტომ აუცილებელია დოზირების ზუსტი დაცვა.
სამყურას ნაყენით შესანიშნავად მოვირჩინე სტომატიტი..
სტომატიტი – დაავადება, რომელსაც ახასიათებს პირის ღრუს ლორწოვანი გარსის სხვადასხვა ეტიოლოგიის ანთებითი პროცესი.
მიზეზები
- მიკროპლაზმის ვირუსის ბაქტერიების ზემოქმედება;
- ორგანიზმში В ჯგუფის ვიტამინების, ფოლიუმის მჟავას, რკინის, თუთიის უკმარისობა;
- პირის ღრუს ტრავმები, ზედმეტად მყარი საკვების მიღება, არასწორად ჩასმული პროთეზი;
- პირადი ჰიგიენის წესების დარღვევა;
- უსუფთაო პროდუქტის ჭამა;
- ნატრიუმის სულფატის შემცველი კბილის პასტის დიდი ხნით გამოყენება;
- შარდმდენი და ნერწყვის შემამცირებელი პრეპარატების დიდი ხნით გამოყენება.
სიმპტომები
- კატარალური სტომატიტი – შეშუპება, ლორწოვანის გაწითლება, სისხლდენა ლორწოვანი გარსიდან, ჭარბი ნერწყვდენა, საკვების მიღების დროს ტკივილი, ლორწოვან გარსზე თეთრი ნადების გაჩენა;
- წყლულოვანი სტომატიტი – ზიანდება მთელი ლორწოვანი გარსი, იწევს სხეულის ტემპერატურა, დიდდება ლიმფური კვანძები;
- აფტოზური სტომატიტი – ლორწოვან გარსზე მრავალრიცხოვანი წყლულების გაჩენა, რომლებიც დაფარულია მონაცრისფრო ნადებით;
- ალერგიული სტომატიტი – შეიძლება მოიცავდეს სტომატიტის სხვა სახეობებს.
უმჯობესია, იგი სხვა მცენარეთა ნარევთან ერთად გამოიყენოთ. მე სამყურათი სტომატიტს ვუმკურნალე. ადრე პირის ღრუში ხშირად მიჩნდებოდა გამონაყარი.
თავდაპირველად მზა წამლებს ვიყენებდი. გამონაყარი ქრებოდა, მაგრამ რამდენიმე ხნის შემდეგ ისევ ჩნდებოდა, უბრალო გაციებაც კი ამწვავებდა.
ერთხელ დეიდამ მირჩია, სამყურა მესინჯა. აღმოჩნდა, რომ ლორწოვანი გარსის ანთებისას კარგია ნაყენი, რომელიც სამყურას, ტუხტის ფესვებისა და სამკურნალო გვირილის ნარევისგან მზადდება.
თანაბარი რაოდენობით ავურიოთ ერთმანეთში სამყურას, გვირილისა და ტუხტის ფესვები. 1 წილ ნარევს დავუმატოთ 3 წილი სელის თესლი. შემდეგ ავიღოთ 1 სადილის კოვზი ნარევი და დავასხათ 1 ჭიქა მდუღარე.
გავაჩეროთ 15 წუთი, გადავწუროთ და თბილ-თბილი გამოვივლოთ პირსა და ყელში დღეში რამდენჯერმე, ოღონდ ერთხელ — აუცილებლად ძილის წინ. მკურნალობა საჭიროა, ვიდრე ლორწოვანი გარსი მთლიანად არ მოშუშდება. ეს ნაყენი
ეფექტიანია ანგინის დროსაც.
