მინდა, რომ რადიკულიტით გატანჯულებს ვასწავლო სამკურნალო საშუალება: მე ამან გადამარჩინა!!!
რამდენიმე წელი მაწუხებდა წელის ტკივილი. როგორც კი გავცივდებოდი, კვირების განმავლობაში მტანჯავდა აუტანელი ტკივილი. რადიკულიტის სამკურნალოდ ათასგვარ საშუალებას მივმართე, ნემსებს ვიკეთებდი, ვსვამდი ტკივილგამაყუჩებელ საშუალებებს, სხვადასხვა მალამოთი ვიზელდი წელს, მაგრამ ყველაფერი დროებით მშველოდა. ცოტა ხნის შემდეგ კი ტკივილი თავიდან მეწყებოდა.
ერთმა ნაცნობმა მასწავლა რადიკულიტის სამკურნალო უებარი საშუალება. მისი გამოყენების შემდეგ საერთოდ დამავიწყდა, რა არის წელის ტკივილი. მას შემდეგ უკვე 2 წელი გავიდა და თავს კარგად ვგრძნობ.
მინდა, რომ ამ დაავადებით გატანჯულებსაც ვასწავლო რადიკულიტის სამკურნალო საშუალება:
რეცეპტი:
- 5 ცალი საშუალო ზომის კარტოფილი გარეცხეთ,
- გაუთლელი ჩაყარეთ ქვაბში,
- დაასხით წყალი და
- კარგად მოხარშეთ.
- შემდეგ გაფცქვენით,
- დაასხით 50-100 გ ნავთი და ჩაზილეთ.
ამის შემდეგ დაგჭირდებათ დამხმარე, რომელმაც წელზე უნდა დაგაფინოთ გაზეთის ფურცელი (თუ წელი ორივე მხარეს გტკივათ, გაზეთი მთელ წელს უნდა გიფარავდეთ, თუ არა, რომელ მხარესაც გტკივათ, მხოლოდ იქ დაიფარეთ), ზედ უნდა დაადოს და თანაბრად გადაანაწილოს ცხელი კარტოფილის პიურე (ცხელი კი უნდა იყოს, მაგრამ არც ისე- თი, რომ დაიწვათ), ზემოდან პოლიეთილენი გადააფაროს და წელი თბილად შეგიხვიოთ შალის თავშლით.
ნახვევი 20-30 წუთით გაიჩერეთ. იგივე გაიმეორეთ მეორე და მესამე დღესაც. შედეგი არ დააყოვნებს. აუცილებდად მოგიხდებათ. ვისაც ვასწავლე, ყველა კმაყოფილია.
ექიმის კომენტარი:
რადიკულიტი ზურგის ტვინის ნერვთა ფესვების ანთებაა. მის სამკურნალოდ ექიმები ანთების საწინააღმდეგო პრეპარატებსა და ფიზიოპროცედურებს იყენებენ. მკითხველის მიერ მოწოდებული სამკურნალო პროცედურის ეფექტი ნერვზე სითბური მოქმედების გავლენას ემყარება — გაზეთსა და პოლიეთილენს შორის მოქცეული კარტოფილის პიურე დიდხანს შეინარჩუნებს სითბოს.
ნავთს უძველესი დროიდან მოიხმარდნენ სახსრების და საყრდენ-მამოძრავებელი აპარატის დაავადებების, მაგალითად, ხერხემლის ოსტეოქონდროზის, მადეფორმირებელი სპონდილოზის, ართრიტის, პოლიართრიტის, მიოზიტის (კუნთების ანთების), ტრავმის შემდგომი ოსტეოპოროზის სამკურნალოდ.
ნავთი ეფექტის მომტანია ნერვული დაავადებების — სამწვერა ნერვის, საჯდომი ნერვის, ნეკნთაშუა ნერვის ნევრალგიის დროსაც, აგრეთვე, კანის ზოგიერთი დაავადების (ეგზემის, ფსორიაზის) დროს.
ჩვენს მიერ შემოთავაზებული ყველა ინგრედიენტი შედგება ნატურალური ინგრედიენტებისგან!
გისურვებთ ჯანმრთელობას!
