პომიდორი ერთ-ერთი ყველაზე სასარგებლო პროდუქტია. სამზარეულოს გარდა, მას თავის მოვლის პროცედურებშიც მნიშვნელოვანი ადგილი უჭირავს. მასში შემავალი ვიტამინები, მინერალები და ანტიოქსიდანტები დადებითად აისახება სახის კანზე და ბევრი პრობლემისგან გაგათავისუფლებთ.
პომიდორი განსაკუთრებით მდიდარია A ვიტამინით, მასში შემავალი პიგმენტები კი, როგორებიცაა ლიკოპინები და კაროტინოიდები, ანტი-ასაკობრივი თვისებებით გამოირჩევიან და ნაოჭების წინააღმდეგ მოქმედებენ.
თქვენ შეგიძლიათ პომიდორი თხელ ნაჭრებად დაჭრათ და პირდაპირ დაიდოთ სახეზე 10-15 წუთის განმავლობაში. ან გააკეთეთ პიურე მისგან და ასეთი სახით დაიტანეთ კანზე. ეს პროცედურა თქვენს კანს გაამდიდრებს ვიტამინებით, მიანიჭებს მას სიჯანსაღეს და ყველანაირ ანთებას ჩააქრობს, რაც, თავის მხრივ, გამონაყარის გაჩენას შეუშლის ხელს.
პომიდორი, ასევე, შეუძლია ფორების შევიწროება. ერთმანეთს შეურიეთ 2 სუფრის კოვზი პომიდვრის წვენი და 5 წვეთი ლიმონის წვენი. ბამბის დისკი დაასველეთ მიღებული ნარევით და გაიწმინდეთ სახე. 10 წუთით გაიჩერეთ და შემდეგ თბილისი წყლით ჩამოიბანეთ.
გაითვალისწინეთ, რომ პომიდორი ალერგიულმა და მგრძნობიარე კანის მქონე ადამინებმა არ უნდა გამოიყენოთ!
