“ბუთხუზების” მოსამზადებლად საჭირო ინგრედიენტებია:
- ხაჭო – 500 გ
- არაჟანი – 400 გ
- კვერცხის გული – 6 ცალი
- შაქარი – 2,5 ჭიქა
- ფქვილი – 5-6 ჭიქა
- გამაფხვიერებელი – 1 შეკვრა
- მწიკვი მარილი
- ვანილი
მომზადების ინსტრუქცია ასეთია:
არაჟანი აურიეთ შაქართან და ხაჭოსთან, შემდეგ კი მიღებულ მასას სათითაოდ შეათქვიფეთ კვერცხის გულები. შემდეგ დაამატეთ ვანილი, მარილი გამაფხვიერებელი და ფქვილი. შემდეგ მოზილეთ ცომი და 1 საათის განმავლობაში გააჩერეთ მაცივარში.
გაციებული ცომით გააკეთეთ ერთნაირი ბურთულები, შემდეგ 150 გრადუსამდე გაცხელებულ ღუმელში შედეთ ნამცხვარი გამოსაცხობად. აცხვეთ 20 წუთი დაბრაწვამდე. შემდეგ გამოიღეთ და მიირთვით გემრიელად გაგრილების შემდეგ.
Facebook კომენტარები