ძირმაგარას განკურნება ხალხური მეთოდებით
კანის ანთების ერთ-ერთი ყველაზე გავრცელებული ტიპი – ძირმაგარა. როგორც წესი, ძირმაგარები თმის ფოლიკულებში და ცხიმოვან ჯირკლებში ჩნდება. ეს უსამოვნო მოვლენა უდიდეს დიკსომფორტთანაა დაკავშირებული.
როგორ ვუმკურნალოთ ძირმაგარას?
ძირმაგარებისა და აბსცესების გაჩენა – საკმაოდ სერიოზული პრობლემაა. სიტუაცია გაცილებით უფრო რთულდება და მწვავდება, როდესაც ძირმაგარა სხეულის იმ მონაკვეთზე ჩნდება, სადაც კანი ძალიან ნაზია და ნელა აღდგება (მაგ: ბარძაყები და დუნდულები).
ჩვენ მიერ შემოთავაზებული თითოეული მეთოდის ეფექტურობა ეჭვგარეშეა.
- მოწვა
ეს მეთოდი ცოტათი მტკივნეული, თუმცა ძალიან ეფექტურია. მაღალი ტემპერატურა ანადგურებს ინფექციის ბუდეს და გვეხმარება ძრიმაგარას მოშორებაში. გაითვალისწინეთ, ეს მეთოდი ეფექტურია მხოლოდ საწყის სტადიაზე. როდესაც ძირმაგარის გაჩენას შენიშნავთ, გააცხელეთ ნემსი და მიიდეთ ის კანის პრობლემურ მონაკვეთზე. ასე თქვენ თავიდან აირიდებთ ძალზედ უსიამოვნო პრობლემის განვითარებას.
- ხახვი
ბაქტერიციდული თვისებებით გამორჩეული ხახვი თავიდან გვარიდებს პათოგენური, ჩირქოვანი მიკროფლორის განვითარებას. თუ თქვენ ძირმაგარა გაწუხებთ, შუაზე გაჭრილი ხახვი მიიდეთ კანის პრობლემურ მონაკვეთზე და გაიჩერეთ 30 წუთით. გაიმეორეთ ეს პროცედურა დღის განმავლობაში მინიმუმ 3-ჯერ და ხანმოკლე დროში ძირმაგარისგან კვალიც კი აღარ დარჩება.
3. წყალი
მიირთვით დიდი რაოდენობით წყალი, რათა გაიწმინდოთ ორგანიზმი ტოქსინებისგან და გამოდევნოთ მავნე ნივთიერებები.
4. კურკუმა
კურკუმა, რომელიც ძლიერი ანტისეპტიკია, გვეხმარება ძირმაგარის მკურნალობაში. მოამზადეთ პასტისებრი მასა 2 ჩაის კოვზი კურკუმის ფხვნილისგან, 1 ჩაის კოვზი ქოქოსის ზეთისგან და რამდენიმე წვეთი იოდისგან. მიღებული მასა წაისვით კანის პრობლემურ მონაკვეთზე დღეში 2-ჯერ. სასიამოვნო შედეგი პირველივე პროცედურის შემდეგ თვალსაჩინოა.
5. ვაშლის ძმარი
ვაშლის ძმარი – ბუნებრივი ანტისეპტიკი, რომელიც კანთან დაკავშირებული უამრავი პრობლემის გადაჭრაში გვეხმარება. განაზავეთ ეს არაჩვეულებრივი პროდუქტი თანაბარი რაოდენობით წყლით, ჩაალბეთ მასში ბამბის ნაჭერი და მისი გამოყენებით კარგად დაიმუშავეთ კანის პრობლემური მონაკვეთი. მოიქეცით ასე დღის განმავლობაში რამდენჯერმე სასურველი შედეგის მიღებამდე.
6. ჩაის ხის ეთერზეთი
ეს ძალზედ ეფექტური საშუალებაა, რომელსაც უამრავი გამოცდილი დერმატოლოგი უწევს რეკომენდაციას. ჩაის ხის ეთერზეთის გამოყენებისას აუცილებელია სიფრთხილის გამოჩენა, რადგან ის კონცენტრირებული სუბსტანციაა. სწორედ ამიტომ, ძირმაგარის სამკურნალოდ გამოიყენეთ ჩაის ხის ეთერზეთისა და ზეითუნის ზეთის კომბინაცია.
7. ინგლისური მარილი
ეს სასარგებლო პროდუქტი ფლობს აბსორბციის, შეწოვის უნარს. ის მთლიანად გამოწოვს ჩირქოვან მასას კანის საფარიდან. ინგლისურ მარილში ჩაამატეთ იმ რაოდენობით წყალი, რომ მიიღოთ პასტისებრი მასა და წაისვით ის კანის პრობლემურ მონაკვეთზე. მოიქეცით ასე ყოველდღიურად სასურველი შედეგის მიღებამდე.
