როდის და ფორმით უნდა გამოვიყენოთ კუჭის სამკურნალოდ ნიორი და კამა?! – ამის ცოდნა ყველას გამოგადგებათ
კუჭ–ნაწლავის და კუჭქვეშა ჯირკვლის მოქმედების ნორმალიზაციისთვის ხალხური მედიცინა გირჩევთ რეგულარულად მიიღოთ ცოტაოდენი ნიორი (2-3 კბილი 3–ჯერ დღეში საუზმეზე, სადილზე და ვახშამზე) დაბალი მჟავიანობით მიმდინარე გასტრიტის დროს.
შარდმდენი, ოფლმდენი, ძლიერი ბაქტერიციდული მოქმედების გამო ნიორს იყენებენ გრიპის, ანგინის, დიზენტერიის დროს.
გარეგანად (ფაფისებური მასის, წვენის, მალამოს და წყალზე ნაყენის სახით) გამოიყენება ძნელად შეხორცებადი ჭრილობების, ანგინის, სურდოს, ტრიქომონადური კოლპიტის, სებორეის დროს.
წყალზე ნაყენის მოსამზადებლად, დააქუცმაცეთ 2–3 კბილი ნიორი, დაასხით 1 ჩ.ჭ. მდუღარე, დააყენეთ 40–60 წუთი, შემდეგ გაწურეთ. ოყნისთვის 1 ჩ.ჭ. მდუღარეზე აიღეთ 5-6 კბილი ნიორი.
გასათვალისწინებელია, რომ ნიორი ალერგიული პროდუქტია, ამიტომ ალერგიისაკენ მიდრეკილების დროს სიფრთხილე გვმართებს.
როდიდან შეიძლება პატარას ნიორი გავასინჯოთ?
9-10 თვიდან მხოლოდ მოხარშული, სადილების შემადგენლობაში, 3 წლიდან კი უმი სახითაც შეგვიძლია შევთავაზოთ.
დაბოლოს, ხალხურ მედიცინას ბევრი რეცეპტი აქვს ვირუსული ინფექციებისაგან თავდაცვისათვის, რომლებიც ნიორით მზადდება.
აი, ერთი მათგანი:
500 გრამ თაფლს დაუმატეთ 1 ლიმონის წვენი და 2 თავი ნივრის წვენი. აურიეთ კარგად. სახალხო მკურნალები ამბობენ , რომ დღეში 1 სუფრის კოვზი ეს ნარევი ვირუსულ ინფექციებს აგარიდებთ.
როგორი გემო აქვს, არ ვიცი, მაგრამ ცდა შეიძლება
კამა ერთ–ერთი ძველი ხალხური საშუალებაა.
ეგვიპტელები მას თავის ტკივილის დროს იყენებდნენ. შეიცავს ეთერზეთებს, C ვიტამინს, კაროტინს, ანისულის მჟავას.
ბალახის ნაყენი
1 ს.კ. ხმელ ბალახს დაასხით 200 მლ. მდუღარე, დააყენეთ 20 წთ-ის განმავლობაში, გაწურეთ. მიიღეთ
1/2 ჩ.ჭ. 3-ჯერ დღეში, ჭამამდე ნახევარი საათით ადრე I-II ხარისხის ჰიპერტონიული დაავადების დროს.
ბალახის ფხვნილი
ბალახი ოდნავ გაახმეთ და წვრილად დაჭერით. მიიღეთ 1/2 ჩ.კ. 3–ჯერ დღეში, ჭამის წინ კუჭ–ნაწლავის ტრაქტის მოშლილობის დროს.
ნაყოფის ნაყენი
2 ჩ.კ. თესლს დაასხით 400 მლ. მდუღარე, დააყენეთ 20 წთ-ის განმავლობაში, გაწურეთ. მიიღეთ 1/2 ჩ.ჭ. 3–ჯერ დღეში, ჭამამდე ნახევარი საათით ადრე უძილობის და ნერვული აღგზნებადობის დროს.
