კანზე სილურჯეების გაჩენას ბევრი რამ იწვევს: ტრავმა, გამწყდარი კაპილარები და სხვადასხვა დაავადება. მაგრამ თუ დალურჯება თქვენს კანზე ძალიან ხშირად ჩნდება, ჯობია ამას ყურადღება მიაქციოთ. ჩვენ კი, დალურჯებების გაჩენის რამდენიმე მიზეზზე მოგიყვებით.
1. ასაკი
ასაკის მატებასთან ერთად, კანი კარგავს დამცავ ცხიმოვან შრეს, თხელდება და კოლაგენის ნაკლებობას განიცდის. ეს კი, იმას ნიშნავს, რომ ნებისმიერი ტრავმის შედეგად შესაძლებელია სილურჯე გაჩნდეს.
2. პურპურა (პურპურული ვასკულიტი)
პურპურა, იგივე პურპურული ვასკულიტი, სისხლძარღვთა დაზიანებაა, რომლის დროსაც სისხლი კაპილარებიდან ჟონავს და ათასობით უწვრილეს სისხლჩაქცევას იწვევს. კანის ეს მდგომარეობა, ხანდაზმულებშია გავრცელებული. ზოგჯერ ის ქავილსაც იწვევს. იმისთვის, რომ პრობლემა მოაგვაროთ, საჭიროა მზის სხივებისგან დამცავი კრემი და სამკურნალო პრეპარატები გამოიყენოთ.
3. სისხლის დაავადება
დალურჯებას სისხლის ბევრი დაავადება იწვევს. ზოგი სიცოცხლისთვის სახიფათოა, ამიტომ თუ სილურჯე ტრავმის შედეგი არაა, მას ყურადღება მიაქციეთ.
4. დიაბეტი
ბევრ დიაბეტის მქონე ადამიანს ჰგონია, რომ მას ბევრი დალურჯება აქვს, მაგრამ სინამდვილეში ეს ასე არაა. კანი უბრალოდ გამუქებულია და ეს დიაბეტს უკავშირდება.
5. წამლები
როდესაც სისხლძარღვები ისეთი წამლებითაა დასუსტებული, როგორებიცაა მაგალითად პრედნიზოლონი, პრედნიზონი, ან ასპირინი, კანზე სილურჯე უფრო ხშირად ჩნდება.
რატომ გჭირდებათ მეტი C ვიტამინი?
აღსანიშნავია, რომ C ვიტამინი კოლაგენის გამომუშავებას უწყობს ხელს. ამ ტიპის ავიტამინოზის დროს მცირდება კაპილართა კედლების გამძლეობა და სისხლჩაქცევაც უფრო ხშირად ჩნდება. C ვიტამინის დეფიციტის სიმტომებია: დაღლილობა, დეპრესია, ღრძილებიდან სისხლდენა, სახსრების ტკივილი, პირის ღრუს სიმშრალე და თმის დაზიანება.
